Hailey dhe Justin Bieber do të bëhen prindër për herë të parë! Modelja dhe këngëtari dhanë lajmin e ëmbël përmes postimeve në rrjetet sociale ku zbuluan se Hailey ishte shtatzënë.
Në pamjet e publikuara, çifti pozojnë në natyrë në Hawaii ky Hailey Bieber pozoi e veshur me një fustan prej dantelle të Saint Laurent dhe një vello në kokë ku çifti përsërisin betimin e martesës.
Çifti u martuan në shtator 2019 në një ceremoni intime në Montage Palmetto Bluff në Karolinën e Jugut.
Lajmi vjen pas shumë muajsh spekulime se modelja ishte shtatzënë dhe tashmë çifti kanë dhënë fund spekulimeve.
Në intervista të shumta, dyshja e famshme kanë konfirmuar dëshirën e tyre për të pasur fëmijë së bashku dhe tani, duket se ajo ditë më në fund ka ardhur.
Çifti treguan unazat e tyre të martesës me diamante nga Tiffany’s.
Sipas një burimi për People, “Ata të dy janë shumë të emocionuar, ndihen kaq të bekuar. E ndanë lajmin vetëm me familjen dhe miqtë e tyre të ngushtë. Ishte shumë e rëndësishme ta ruanim sekret dhe ta shijonim sa më shumë derisa ta konfirmonin publikisht”.
27-vjeçarja dhe këngëtari tashmë e kanë menduar emrin e fëmijës, gjininë e të cilit nuk e kanë treguar, ndërsa kanë nisur të dekorojnë dhomën e tij. Hailey Bieber është gjashtë muajshe shtatzënë dhe foshnja do të lindë në verë.
NDIQE LIVE "PANORAMA TV" © Panorama.al