Prej më shumë se një jave, konkurrenti i “Për’puthen”, Atdhe Xhavaria, ka munguar në studio për shkak se është infektuar me Covid-19.
Por, së fundmi, në rrjet po qarkullon një foto e tij me dy vajza konkurrente në program, Sara Malaj dhe Jasmin Kadriu.
Të tre shihen të ulur buzë detit, duke shijuar rrezet e diellit dhe duke biseduar me njëri-tjetrin.
Mirëpo, këtë javë edhe Sara ka munguar në studio, duke ngritur dyshime nëse është pezulluar apo përjashtuar nga “Për’puthen”.
Përgjigjen e kësaj dileme e ka dhënë vetë autorja e programit, Olsa Muhameti, e cila ka treguar se Malaj nuk është përjashtuar, por pa dhënë asnjë arsye për mungesën e saj në studio.
Nga ana tjetër, javën e kaluar, Jasmina dhe Sara patën një konflikt me njëra-tjetrën, sepse kjo e fundit kishte pranuar të dilte në takim me Andi Artanin, i cili është treguar shumë i afërt me Jasminën, me të cilën ka shkëmbyer edhe puthje.
Për këtë arsye, Jasmina u shpreh e zhgënjyer, sepse kishte qenë e afërt me Sarën dhe shtoi se nuk dëshiron të ketë shoqëri me një vajzë që i merr djalin që pëlqen.
