DIBER- Gjykata ka vendosur masën e sigurisë “arrest me burg” për shtetasin, Doksan Dushku, i cili ekzekutoi pak ditë më parë të bijën në muajin e pestë të shtatzanisë.
Dushku 59 vjeç, ekzekutoi me tetë plumba të bijën 21-vjeçare, pasi mësoi se priste një fëmijë ilegal.
Ngjarja e rëndë ndodhi mesnatën e të martës së kësaj jave, në fshatin Sllatinë të komunës Sllovë, në rrethin e Dibrës. Doksan Dushku, 59 vjeç, u arrestu rreth 24 orë pasi qëlloi mbi vajzën e vetme, 21-vjeçaren Fatmira Dushku.
Fillimisht krimi është munduar të fshihet, duke u njoftuar të afërmit se Fatmira Dushku pësoi vdekje natyrale, pas një infarkti. Por një sinjal i dhënë pak para varrimit zbuloi vrasjen e vajzës së re, e cila ishte në muajin e pestë të shtatzënisë, pas një lidhjeje misterioze. Vajza ishte beqare dhe jetonte me tre vëllezër e të atin, ndërsa e ëma i kishte vdekur.
NDIQE LIVE "PANORAMA TV" © Panorama.al
