Bujar Qamili: Tërhiqem nga gara tek “Kënga ime”

Këngëtari shkodran, Bujar Qamili, një javë pas konfliktit me kompozitorin Aleksandër Lalo në paskuintat e festivalit “Kënga ime” në “Tv Klan”, ka vendosur të tërhiqet nga gara. I pyetur nga gazeta “Panorama” në lidhje me këtë vendim, Qamili u shpreh: “ Miqtë e mi më të besuar më bindën se është më mirë për mua të tërhiqem nga gara, sepse pas konfliktit me Aleksandër Lalon gjërat nuk mund të jenë njësoj. E di që do të përballesha me gjykimin e njëanshëm të jurisë, ndaj dhe vendosa që të tërhiqesha më mirë”, tha Qamili. Në lidhje me deklaratën e Bujar Qamilit se adhuruesit e tij në Shkodër janë mërzitur shumë me Lalon, aq sa do ndalohet të hyjë tani e tutje në këtë qytet, Qamili sqaroi se: “Jo, kjo ishte thjesht një shaka. Tashmë jemi sqaruar dhe konfliktin personal me Lalon e kemi zgjidhur”. Sherri mes Bujar Qamilit dhe kryetarit të jurisë së “Kënga ime”, Aleksandër Lalo, ndodhi në “Tv Klan” të dielën e kaluar, duke regjistruar kështu një ndodhi të pazakontë mes artistëve të këtij brezi në ambientet e një televizioni. Pas konfliktit, Bujari u shpreh se ishte fyer nga Lalo, pasi ai gjatë spektaklit u shpreh se Bujari i kishte futur mik për finalen. Nga ana tjetër, Lalo u përpoq ta zhdramatizonte konfliktin në deklaratat e tij mediatike

NDIQE LIVE "PANORAMA TV" © Panorama.al