Asambleja Parlamentare e Këshillit të Evropës ka miratuar me konsensus raportin për zgjedhjet parlamentare të 23 qershorit në Shqipëri. Asambleja i ka vlerësuar zgjedhjet e 23 qershorit konkurruese, me pjesëmarrje të gjerë të qytetarëve e me respekt për të drejtat e njeriut.
Në debat e ka marrë fjalën edhe Kryetarja e Delegacionit të Parlamentit, Valentina Leskaj e cila falenderoi Këshillin e EU për mbështetjen konstante ndaj proceseve demokratike në Shqipëri, mbështetjen për zgjedhjet e fundit parlamentare.
Debati në Parlamentin e KE është zhvilluar në një klimë mjaft pozitive dhe mbështetëse për të ardhmen Europiane të Shqipërisë.
Leskaj shprehu angazhimin shumë serioz të mazhorancës së re për avancimin e axhendes Europiane, seriozitetin për përmbushjen e 12 prioriteteve jo në letër po në realitet, si dhe për një parlament me demokraci funksionale ku opozita do ketë gjithë hapësirat për të luajtur rolin e saj të rëndësishëm.
NDIQE LIVE "PANORAMA TV" © Panorama.al
