Në pranga është vënë shtetasi, Ramadan Zeqo, me detyrë specialist i Hetimit dhe Parandalimit të Krimeve në Stacionin e Policisë Rrogozhinë, i cili akuzohet për veprat penale të “Shkelje të Rregullave të Qarkullimit Rrugor” dhe “Drejtim i automjetit në mënyrë të parregullt”.
Sipas policisë, më datë 29 mars, në aksin rrugor Pompat – Çermë Sektor, Lushnjë, punonjësi i policisë Ramadan Zeqo, duke drejtuar automjetin me targë DR 4134 B, ka humbur kontrollin e mjetit dhe si pasojë ka goditur një grup këmbësorësh prej 5 vetash, duke dëmtuar shtetasit D.M. dhe A.D.
Nga hetimet ka rezultuar se Zeqo, kishte konsumuar pije alkoolike tej normave të lejuara.
NDIQE LIVE "PANORAMA TV" © Panorama.al
