Për shkak të luftës ajo u largua nga Siria në Turqi, por pas tërmetit shkatërrues të shkurtit 2023 adoleshentja emigroi në Itali.
Megjithatë, sapo mbërriti në shtetin fqinj, vajza u rrëmbye dhe u përdhunua vazhdimisht.
Protagonistja e historisë dramatike është një vajzë 17-vjeçare siriane, tashmë e sigurt pas makthit të gjatë që ka kaluar. Policia, në përfundim të një hetimi, arrestoi një pakistanez dhe një afgan me akuzën e rrëmbimit me qëllim zhvatjen, dhunën seksuale, plagosjen dhe nxitjen e emigracionit të paligjshëm.
Ndërkohë është shpallur në kërkim një shtetase shqiptare, si e përfshirë në ngjarje.
Udhëtimi për në Itali
17-vjeçarja iku nga Siria së bashku me familjen e saj, e cila pas largimit nga Turqia është nisur drejt vendeve të Bashkimit Evropian.
Gjatë rrugëtimit për në Gjermani, vajza me babanë, nënën, gjyshen dhe vëllanë përfundoi në duart e trafikantëve që ndanin gratë nga burrat në Slloveni. Gratë u braktisën në një shtëpi ferme në Reggio Emilia, ndërsa burrat në autostradën afër Udines. Më pas 17-vjeçarja u dërgua diku tjetër dhe familjarët e saj u detyruan të paguanin një shpërblim për lirimin e saj.
Rrëmbimi dhe dhuna
Gjatë asaj periudhe, ajo është përdhunuar dhe dhunuar, duke përfshirë edhe një thyerje të krahut. Më 30 maj, vajza u gjet në Lodi nga një punonjëse karburanti dhe më pas nisën hetimet. Policia e koordinuar nga Prokuroria e Lodit dhe Prokuroria pranë Drejtorisë së Qarkut Antimafia të Bolonjës, arrestuan dy të huajt. Gjithashtu u gjetën edhe dy mjetet tip Mercedes që përdorur për të çuar familjen në Itali.
Njëri nga të arrestuarit u kap në Kroaci, tjetri u ndalua në Modena gjatë një kontrolli.