Tik-Tok bën përditësimin e ri, ja çfarë duhet të dini

Tik-Tok ka lançuar këtë të të mërkurë platformën e vet të shpërndarjes dhe marketingut të muzikës, të quajtur SoundOn.

Artistët mund të ngarkojnë muzikën e tyre direkt në aplikacionin Tik-Tok, përveç platformave të tjera globale si Apple Music, Spotify apo Pandora.

Ky sistem është krijuar për të ofruar mjete promovuese, njohuri për audiencën dhe zhvillim, dhe që artistët pjesëmarrës të kenë akses në verifikimin e TikTok.

“Artistët e rinj dhe krijuesit e muzikës janë një komunitet i gjallë brenda TikTok. SoundOn është krijuar për t’i mbështetur ata teksa hedhin hapat e parë në karrierën e tyre,” tha në një deklaratë Ole Obermann, kreu global i muzikës së platformës.

Obermann shtoi se platforma e re “do t’i udhëzojë krijuesit në udhëtimin e tyre drejt skenës së madhe”.