Totenhemi është eliminuar nga Juventusi në Ligën e Kampionëve, por në Premierligë është një histori tjetër.

Djemtë e Poketinos fituan me përmbysje 1-4 ndaj Bornmuthit duke parakaluar në renditje Liverpulin dhe tani gjenden në vendin e tretë.

Gjelat e Londrës u gjendën në disavantazh pas golit të pësuar që në minutën e 7-të, gjithsesi ata rigjetën forcat dhe shënuan katër gola për të përmbysur rezultatin. Fillimisht shënoi Dele Ali, më pas shënoi dy herë koreani Son, dhe Aurie mbylli pokerin.

Një fitore me shumë vlerë për Totenhemin, që tani do të fokusohet vetëm në kampionat për të siguruar sa më parë 4-shen e parë. Për momentin kanë 1 pikë më shumë se Liverpuli i vendit të 4-t.

NDIQE LIVE "PANORAMA TV"

---