Parma me Kastriot Dermakut titullar nuk ia ka dalë dot në Kupë, teksa është mposhtur në shtëpi nga Roma me rezultatin 2-0.

Miqtë ishin më kërkues që në fillim, teksa e kërkonin me ngul golin e avantazhit. Megjithatë pavarësisht tentativave të shumta nga ekipi i Fonsekës, pjesa e parë u mbyll me rrjeta të pa prekura. Pjesa e dytë nisi menjëherë me gol, teksa Lorenco Pelegrini realizoi në minutën e 49’, pas një aksioni shumë të bukur.

Pas këtij goli, Parma u duk sikur u zgjua, pasi po kërkonte golin e barazimit. Ishte përsëri Pelegrini që shënoi për Romën, teksa në minutën e 76’, realizoi nga pika e bardhë e penalltisë. Me këtë fitore Roma kalon në raundin tjetër të Kupës, ku do të ndeshen me Juventusin.

 

PANORAMASPORT.AL

NDIQE LIVE "PANORAMA TV"

---