Tjetër ndryshim në listën e Kombëtares U-21, Alban Bushi grumbullon talentin e Bylisit
Një tjetër ndryshim në listën e Kombëtares U-21, për dy ndeshjet e programuara për të luajtur në muajin qershor, ndaj Andorrës në transfertë për eliminatoret e Kampionati Europian 2023 dhe miqësoren ndaj Bullgarisë, po në transfertë.
Zyra e shtypit në FSHF bën me dije se mbrojtësi Ramen Çepele ka pasur probleme fizike dhe i është nënshtruar analizave mjekësore, lojtari po mbahet nën vëzhgim nga stafi mjekësor dhe do të vlerësohet në vazhdimësi nëse do të jetë ose i gatshëm dy ndeshjet e radhës me U-21.
Në këto kushte, trajneri Alban Bushi ka vendosur të thërrasë mbrojtësin 17-vjeçar, të Bylisit, Marçelino Preka, i cili është bashkuar që sot me kuqezinjtë.
Ky nuk është ndryshimi i vetëm pasi qysh në fillim të grumbullimit u largua sulmuesi, Ernest Muçi, i cili pati gjithashtu probleme dëmtimi dhe nuk mund të rikuperohet për të luajtur këto dy ndeshje.
PANORAMASPORT.AL
NDIQE LIVE "PANORAMA TV"