Mlladen Milinkoviç duket se do të vazhdojë punën te Kukësi pa zv.trajnerin Marko Jovanoviç. Burime të “Panorama Sport” bëjnë me dije se ky i fundit është përplasur me presidentin Gjici gjatë mbledhjes së kryer pas barazimit me Vllazninë për shkak të këndvështrimit të ndryshëm të situatës.

Pas debatit me numrin një të klubit, Jovanoviç i ka thënë Gjicit se është i gatshëm të largohet nga detyra. Klubi kampion i Shqipërisë nuk konfirmon asgjë zyrtarisht, por mësohet se largimi i zv.trajnerit është tashmë fakt i kryer dhe palët janë duke zgjidhur disa pika të kontratës. Jovanoniç është njeriu më i besuar i Milinkoviçit teksa kujtojmë që punuan bashkë edhe te Luftëtari në sezonin e shkuar.

Stafi i Kukësit në këtë sezon ka një numër të madh të punësuarish dhe rezultatet negative kanë bërë që presidenti Gjici ta kërkojë tek ata përgjegjësinë kryesore.

NDIQE LIVE "PANORAMA TV"

---