SUPERLIGA E KOSOVËS/ Bien Prishtina dhe Gjilani i Mezanit, Ballkani gati të nisë “arratinë”
Lufta për titullin kampion në Kosovë sa vjen dhe bëhet më interesante. Dy takimet e javës së 22-ë të “IPKO Superligës” Drita-Prishtina dhe Llapi-Gjilani përfunduan me fitoren e skuadrave vendase.
“Intelektualët” fituan me rezultatin 2-1 kundër “Plisave”. Për Dritën shënuan Rexha dhe Fazlliu, ndërsa për Prishtinën realizoi ish-futbollisti i Skënderbeut Oto Xhon.
Gjilani i drejtuar nga tekniku vlonjat Gentian Mezani u mposht nga Llapi me rezultatin 2-1. Për “Legjedat” shënuan Ramadani dhe ish-futbollisti i Kastriotit Ersil Ymeraj, ndërsa për “Skifterat” shënoi ish-sulmuesi i Teutës Darko Nikaç.
Ballkani kryesues ka shansin e mirë ditën e nesërme te thellojë diferencën me Dritën e vendit të dytë pasi përballet me Flamurtarin e vendit të 10-ë.
PANORAMASPORT.AL
NDIQE LIVE "PANORAMA TV"