Skandali me atleten bjelloruse, Komiteti Olimpik përjashton nga Olimpiada trajnerët e atletes
Dy trajnerë nga ekipi i Bjellorusisë janë shkarkuar nga Komiteti Olimpik Ndërkombëtar katër ditë pasi ata urdhëruan sprinteren Kristina Timanovskaja të kthehej në shtëpi me urdhër të dikatorit Lukashenko.
Komiteti i hoqi të drejtën e trajnimit Artur Shimak dhe Juri Maiseviç duke u kërkuar të largoheshin menjëherë nga Fshati Olimpik. Timanovskaja, 24 vjeç, refuzoi të hipte në avion për në Bjellorusi pasi trajnerët e tërhoqën nga gara 200 metra e së hënës dhe e urdhëruan të braktiste Olimpiadën.
Komiteti Olimpik Bjellorus pretendoi se Timanovskaja po tërhiqej nga gara për shkak të “gjendjes së saj emocionale, psikologjike”, por ajo i tha Reuters se ajo ishte duke u detyruar të shkonte në shtëpi sepse kishte kritikuar trajnerët në mediat sociale. Çështja u bë një skandal i madh aq sa atletja u detyrua të kërkojë azil politik në Poloni për shkaqe sigurie.
PANORAMASPORT.AL
NDIQE LIVE "PANORAMA TV"