Pikantet e miqësores Tirana-Egnatia, si të ishte ndeshje kampionati
Rreth 1000 tifozë ishin të pranishëm në stadium për të ndjekur miqësoren mes Tiranës dhe Egnatias. Tribuna qendrore ishte e mbushur plot, sa të dukej se ishte një ndeshje normale në Kategorinë Superiore
-Erjon Hoxhallari ishte kapiteni i skuadrës në sfidën e së shtunës të luajtur në “Selman Stërmasi”. Edhe pse nuk është zyrtarizuar, Hoxhallari do të jetë edhe kapiteni i ri i skuadrës.
-Një stopim i topit nga ana e Orges Shehit ka marrë duartrokitjen e të pranishmëve në stadium.
-Nga ana tjetër, Gugash Magani ka qenë personi që është takuar pothuajse me të gjithë në stadium. E kaluara si bardheblu ka bërë që ai të ketë shumë miq në kryeqytet.
-Veç presidentëve të dy ekipeve, të pranishëm ishin edhe ish-trajneri Bledar Devolli, Enur Totre – lojtari që më pas do të zyrtarizohej te bardheblutë.
-Po kështu, të pranishëm ishin shumë nga lojtarët e Dinamos, si dhe trajneri i Shkëndijës, Ernest Gjoka, të cilët ndoqën takimin mes dy skuadrave ditën e shtunë.
-Jashtë stadiumit binte në sy autobusi i Egnatias. Klubi duket se ka investuar në çdo drejtim për skuadrën.
-Në fushë Tirana kishte shumë mungesa, duke filluar nga Seferi, Najdovski e me radhë. Gjithsesi, ekipi do të jetë i kompletuar në fazën përgatitore
PANORAMASPORT.AL
NDIQE LIVE "PANORAMA TV"