Për ‘Topin e Artë’, të gjithë të dashuruar pas Musialës/ Talenti 19-vjeçar ka shënuar 4 gola në tri takimet e para

Panorama Sport | Lajmet e fundit nga sporti

Postuar: Gusht 16, 2022 | 21:57


Për ‘Topin e Artë’, të gjithë të dashuruar pas Musialës/ Talenti 19-vjeçar ka shënuar 4 gola në tri takimet e para

Xhamal Musiala është loj tari i momentit te Bajerni i Mynihut. Ylli 19-vjeçar i kampionëve të Gjermanisë ka shkëlqyer edhe në suksesin e radhës të bavarezëve në Bundesligë kundër Volfsburgut.

FY8fFJBXgAQD86s

Ai ka shënuar një tjetër gol, duke e çuar në 4 numrin e rrjetave në 3 ndeshjet e para zyrtare në sezon. Kjo ka bërë që e gjithë Gjermania të flasë për talentin e Bajernit. Madje, në Gjermani kanë shkuar përtej limiteve, duke nënvizuar se nëse ecën me të njëjtat ritme, Musiala shumë shpejt do të jetë fituesi i “Topit të Artë”.

DREJTORI – Drejtoi i Bajernit, Hasan Salihamixhiç, ka qenë i pari që ka përgëzuar talentin e bavarezëve pas golit ndaj Volfsburgut të dielën pasdite. “Xhamal ka bërë një tjetër ndeshje shumë të mirë dhe ka shënuar. Të gjithë flasin për një talent, por unë di të them se Musiala është shumë më tepër se thjesht një talent. Shpresoj të vijojë me këto ritme, sepse ai ka shumë për të përmirësuar dhe për të dhënë për Bajernin”, ka thënë drejtori i bavarezëve.

BOSI I KLUBIT – Edhe shefi i Bajernit, Oliver Kahn, nuk ka lënë pa përgëzuar talentin e tij. Por si gjithnjë kërkues, Kahn ka shtuar se pret edhe më shumë nga 19-vjeçari. “Sapo ka mbaruar takimi e kam takuar dhe e kam përgëzuar. Por nga ana tjetër ia kam bërë të qartë se prej tij presim edhe më shumë.

Ai e ka nisur mjaft mirë takimin dhe niveli që po tregon në lojë në këto ndeshje të para është vërtet i mahnitshëm. Gola si ai kundër Volfsburgut nuk i shihni çdo ditë, ishte i shkëlqyer. Ajo që më bën më shumë përshtypje tek ai është qetësia në të bërit të gjërave. Tani gjithçka flet për të. Jam i bindur se e pret një e ardhme e madhe përpara, por natyrisht që duhet punë, shumë punë për të arritur majat”, ka këshilluar shefi i kampionëve të Gjermanisë.

“TOPI I ARTË” – Por ka dhe komente që shkojnë përtej përgëzimeve të momentit. I tillë ka qenë reagimi i legjendës së Bajernit dhe Gjermanisë, Lotar Mateus. Duke folur për televizionin “Sky Deutschland”, Mateus është shprehur i bindur se e ardhmja është e Musialës dhe se një ditë ai do të shpallet lojtari më i mirë në botë. “Unë këndoj se herët a vonë do të fitojë ‘Topin e Artë’, do të bëhet lojtari më i mirë në botë.

Ai i ka të gjitha kapacitetet dhe mundësitë për ta bërë një ëndërr të tillë realitet. E krahasoj atë me shumë lojtarë në moshën e tij e që më pas kanë fituar gjithçka. Dhe mund të them se Musiala qëndron edhe më lart. Çelësin për t’u bërë më i miri e ka vetë ai. Nëse do të qëndrojë me këmbë në tokë dhe do të punojë fort do të bëhet shumë shpejt më i miri në botë, për këtë jam i bindur”, ka komentuar Lotar Mateus.

MYLER – Edhe shoku i Musialës në skuadër, Tomas Myler, ka folur me nota pozitive për sulmuesin e talentuar. “Xhamal ka bërë një punë mjaft të mirë. Për më shumë është integruar shumë shpejt me grupin dhe shpesh bëjmë shaka në autobus”, ka thënë Myler.

Përgatiti: LEDJO SEFERKOLLI – PANORAMASPORT.AL