Gjermania do të zhvillojë dy miqësore luksi në muajin mars të vitit të ardhshëm me Spanjën dhe Italinë. Federata Gjermane e Futbollit ka zyrtarizuar datat dhe stadiumet ku do të përballen 3 superfuqitë e futbollit botëror përpara nisjes së kampionatit europian në 12 qershor.

Në 26 mars, ‘’Pancerat’’ udhëtojnë në Madrid për të sfiduar ‘’Furinë e Kuqe’’, ndërsa 5 ditë më vonë 4-herë kampionët e botës presin ‘’të kaltrit’’ në Nuremberg, aty ku 13 vite më parë italianët eliminuan nga Kupas e Botës 2006 Gjermaninë.

Rivaliteti Gjermani-Itali konsiderohet si njëri prej ‘’armiqësive’’ më të fuqishme në historinë e futbollit teksa janë përballur plot 35 herë midis tyre, teksa bilanci flet për italianët (15 fitore, 12 barazime dhe 8 humbje).

‘’Pancerat’’ i kanë eliminuar vetëm një herë italianët në kompeticionet ndërkombëtare (EURO 2016), ndërsa ‘’të kaltrit’’ kanë dalë fitimtarë në 4 raste të tjera (Kupë e Botës 1970, Kupa e Botës 1982, Kupa e Botës 2006 dhe EURO 2012). Në përballjet kompetitive, Gjermania asnjëherë nuk ka mundur të mposhtë brenda 90 apo 120 minutave.

PANORAMASPORT.AL

NDIQE LIVE "PANORAMA TV"

---