Mateus sulmon tifozët anglezë: E merituat traumën e penalltive
Lotar Mateus, legjenda e Gjermanisë, mendon se tifozët anglezë e merituan traumën e penalltive në finalen kundër Italisë pas sjelljes së tyre. Mateus përmend disa nga sjelljet e tyre të pahijshme gjatë “Euro 2020” në komentin e tij për “SportBild”:
“Tifozët anglezë ishin armiqësorë ndaj vajzës së vogël me fanellën e Gjermanisë në 1/8-at në ‘Wembley’. Ata vërshëllyen himnet e kundërshtarëve. Portieri i Danimarkës, Kasper Shmajkëll, u verbua me një lazer gjatë penalltisë ku Rahim Sterling simuloi në gjysmëfinale. Dhe këtyre u shtohen edhe fyerjet raciste ndaj lojtarëve të kombëtares së tyre pas finales.
Anglezë të dashur, ajo ishte një sjellje josportive që ne nuk e njihnim prej jush dhe nuk duam ta shohim kurrë më. Kështu, na vjen keq për lojtarët, por ju e merituat traumën pas finales së humbur me penallti”.
PANORAMASPORT.AL
NDIQE LIVE "PANORAMA TV"