Antuan Grizman dhe Osmane Dembele janë rikthyer në stërvitje me Barcelonën dhe mund të jenë gati për ndeshjen në Champions me Napolin. Sfida e parë në Itali përfundoi në barazim 1-1 dhe sfida e kthimit do luhet me 8 gusht në Barcelonë.

Katalanasit kanë pasur probleme me lojtarët për shkaqe dëmtimesh, me Grizman që u dëmtua në javët e fundit të La Ligas dhe Dembele që është jashtë fushave që prej janarit. “Football Espana” raporton se dy lojtarët janë parë në stërvitje me pjesën e tjetër të skuadrës. Edhe Klement Lenglet u rikthye nga dëmtimi këtë javë.

Gjithsesi do ketë mungesa për Barcelonën në ndeshjen ndaj Napolit në Ligën e Kampionëve pasi Vidal është i pezulluar ndërsa Umtiti, Todibo dhe Araujo janë të dëmtuar.

PANORAMASPORT.AL

NDIQE LIVE "PANORAMA TV"

---