Kukësi ka nisur të përforcojë skuadrën për sezonin tjetër, teksa fillimisht janë përqendruar te lojtarë të rinj.

 

Pasi zyrtarizuan ditën e sotme portierin Angelos Tafa, shumë shpejt klubi verilindor prite të prezantojë edhe dy afrimet e radhës. Redon Dragoshi do të jetë një lojtar i Kukësit për sezonin e ardhshëm. Burime zyrtare në klubin verilindor bëjnë me dije se kanë mbetur vetëm detajet e fundit dhe mbrojtësi 20-vjeçar, i cili luan në krahun e djathtë do të prezantohet si afrimi i radhës në skuadrën e Skënder Gegës.

Dragoshi zhvilloi paraqitje të shkëlqyera sezonin e fundit në Superiore me Luftëtarin dhe këto nuk kanë kaluar pa u vënë re nga drejtuesit e Kukësit të cilët kanë nxituar ta marrin në skuadrën e tyre.

Gjithashtu ashtu siç kishte paralajmëruar para pak ditësh edhe “Panorama Sport”, ditën e nesërme do të prezantohet Albin Gashi, i cili vjen nga skuadra austriake e Floridsdorfed dhe mendohet të zëvendësojë Kristal Abazajn.

PANORAMASPORT.AL

NDIQE LIVE "PANORAMA TV"

---