Antonio Kontë do të mbetet gjithmonë një personazh i cili ndan dhe bashkon tifozët e Juventusit me ata të Interit. Nga një anë është historia e suksesshme shuëmvjeçare si bardhezi, lojtar e trajner. Ndërsa nga tjetra është pikërisht kalimi te Interi i armiqve të urryer zikaltër, duke i bërë përsëri kampionë.

Dhe kësaj historie, i shtohet një thumbim i fundit i vëllait të tij, Daniele, i cili nëpërmjet rrjeteve sociale ka kujtuar se në fakt suksesi më i madh i Kontes ka qenë ai më bardhezinjtë. Shkak është bërë barazimi i Interit me Kaljarin, që i heq mundësinë zikaltërve që të thyejnë rekordin e piëkve në një kampionat të vetëm, 102 të tilla, të regjistruar nga Juventusi në edicionin 2013-2014 pikërisht nën drejtimin e Antonios.

Daniele Konte ka publikuar foton e Kontes me fanellën e titullit të atij viti dhe ka vendosur si koment pikërisht atë që shkruhej në të. “102 pikë! Ka prej atyre që lexojnë historinë dhe prej atyre që e shkruajnë”. Dhe për të bërë të qartë që e kishte me Interin, shtoi edhe frazën “Nor for everyone” që zikaltrit përdorën si moto kur Konte mori drejtimin e skuadrës së tyre.

PANORAMASPORT.AL

NDIQE LIVE "PANORAMA TV"

---