FOTOT EKSKLUZIVE/ Pamje trishtuese, shikoni si ka degraduar stadiumi “Skënderbeu”
Në ditën kur Skënderbeu do të duhej të zbriste në fushë në formë proteste, duke u bazuar te java e dytë e kampionatit, që sipas kalendarit do të luhej në Korçë ndaj Vllaznisë, të pranishmit konstatuan një situatë skandaloze në tribunën VIP.
Duket se gjithçka është lënë në harresë dhe stadiumi “Skënderbeu” po degradon dita-ditës. Fotot e siguruara nga “Panorama Sport” tregojnë për një tribunë VIP totalisht të shkatërruar, aq sa të vinte keq ta shihje në atë gjendje.
Nuk dihet nëse presidentit të klubit, Ardjan Takaj, i ka bërë përshtypje një gjendje e tillë e paprecedentë në impiantin që ka qenë model. Një situatë e tillë nuk është parë as në kohën kur klubi i Skënderbeut menaxhohej vetëm nga bashkia 11 vite më parë e aq më pak në dekadën e fundit kur presidencën e ka marrë Takaj.
Duket se goditja e madhe që ka marrë klubi nga Gjykata Federale për lënien në fuqi të dënimit, si dhe vështirësitë ekonomike në të cilat ndodhet Skënderbeu, po reflektojnë jo vetëm në ndërtimin e ekipit, por edhe në stadium.
LLAZI SARO-PANORAMASPORT.AL
NDIQE LIVE "PANORAMA TV"