Eurogoli i Osvaldos ndal marshimin e Mançester Sitit
Pas fitores bindëse në transfertë me Uest Bromuiçin, dukej se Siti nuk do të haste vështirësi as ndaj Sauthemptonit, sepse Aguero i kaloi në avantazh pas 10 minutash: Një krosim i Kolarovit u përcoll në rrjetë lehtësisht nga e majta e Agueros (goli i 11-të në kampionat). Skuadra e Pelegrinit duket padrone në fushë dhe luan futbollin e përhershëm spektakolar. Sulmuesi argjentinas i shkon dy herë të tjera shumë pranë golit: e njëjta skenë si në rastin e golit të parë kësaj radhe përsëritet me Zabaletën, por e djathta e Agueros përfundon jashtë. Pastaj diagonalja që lëshon nga një pozicion i volitshëm nuk ka forcën e mjaftueshme. Të zotët e shtëpisë përmirësohen dhe i shkojnë pranë golit me një goditje me kokë të Shou. Barazimi do të vijë falë një goli spektakolar të Osvaldos. Në fund të pjesës së parë, ish-sulmuesi i Romës nxjerr huq dy herë Kompaninë, frenon për të shmangur Zabaletën dhe me të djathtën lëshon një parabël, e cila ndalet vetëm në trekëndëshin e Pantilimonit. Në pjesën e dytë, argjentinasi ka shansin të përmbysë gjithçka, por kësaj radhe portieri rumun e ndal.
