E humbi vendin e titullarit, por Hysaj rezulton në “TOP 10”-çe me Karlo Ançelotin
Është kontradiktore, por Elseid Hysaj është një nga dhjetë futbollistët më të aktivizuar në erën “Ançeloti” te Napoli. Po, mbrojtësi që humbi rolin e titullarit nën drejtimin e ish-trajnerit të napolitanëve, e gjen veten mes atyre që kanë zhvilluar më shumë sesa 50% të ndeshjeve.
“TOP 10” Karlo Ançeloti e ka mbyllur aventurën te Napoli pas 73 ndeshjesh që ka drejtuar, duke e mbyllur fazën e ndeshjeve në grup pa humbje dhe duke e lënë ekipin të kualifikuar për më tej. Në krye të listës së futbollistëve që kanë marrë më shumë minuta nën drejtimin e italianit është Piotr Zielinski, i cili ka shënuar tetë gola dhe tri asiste. Për trajnerin, aventura te napolitanët u mbyll me 52% të ndeshjeve të fituara.
Edhe pse e humbi fanellën e titullarit, mes dhjetë më të aktivizuarve nën drejtimin e Ançelotit, është edhe mbrojtësi i Kombëtares, Elseid Hysaj. Shkodrani ka zbritur në fushën e lojës në 40 ndeshje, më shumë sesa 50% prej atyre që ka drejtuar 60-vjeçari. Mbrojtësi kuqezi ka përpara tij Mario Ruin me një ndeshje më shumë, Milik me 55 më shumë dhe Insinjen me 57 më shumë që është i shtati në listën e më të aktivizuarve.
RENDITJA
Kulibali ka luajtur 68 ndeshje dhe është i dyti në këtë klasifikim, i ndjekur nga Mertens me dy më pak. Në radhë vijnë Kajehon (65), Alan (61) dhe Fabian Ruiz në vend të gjashtë me 58 ndeshje.
PANORAMASPORT.AL
NDIQE LIVE "PANORAMA TV"