Postuar: Janar 15, 2021 | 13:53
Dëmtohet keq në stërvitje talenti shqiptar i Lokomotivës, operacion dhe mungesë për një kohë të gjatë
Fati i keq godet futbollistin e Lokomotivës së Zagrebit dhe Shqipërisë U-21, Indrit Tucin! Sulmuesi i skuadrës kroate ka dëmtuar rëndë ligamentin e gjurit gjatë stërvitjes dhe do t’i nënshtrohet ndërhyrjes kirurgjikale.
Lajmi u konfirmua nga vetë klubi i Lokomotivës në faqen zyrtare.
“Indrit Tuci është dëmtuar keq gjatë stërvitjes në Medulin. Kjo do të ndiqet nga ndërhyrja kirurgjikale dhe proçes rikuperimi prej disa muajsh. Jemi me ty qëndro i fortë”, shkruhet në faqen zyrtare të Lokomotivës.
Një dëmtimi i tillë mund të kalohet minimalisht brenda 4-5 muajsh. 20-vjeçari po kalonte një formë të mirë në Kroaci, ndërsa kishte fituar hapësirë dhe me Shpresat.
PANORAMASPORT.AL
