Pas ndeshjes ka folur edhe trajneri i Barcelonës, Ronald Kuman. Numri një i stolit të katalanasve duke folur për ndeshjen ka nënvizuar se ekipi i tij ka lënë dy pikë, ndonëse e ka pranuar se në fund gjërat mund të kishin shkuar dhe më keq.

“Përpara ndeshjes mendonim se do të fitonim, aq më shumë që luanim në fushën tonë. Por nisja e ndeshjes nuk ka qenë ajo që donim dhe kjo na ka kushtëzuar deri në fund. Nuk është e lehtë të gjendesh në disavantazh pas dy minutash dhe me një kundërshtar që mendonte të vononte lojën që pas minutës së dytë.

Dua të vlerësoj ekipin për personalitetin e treguar dhe vendosmërinë për të arritur rezultatin me çdo kusht, por nuk ishte e lehtë përballë një skuadre që mbronte me shumë forca. Jemi të zhgënjyer, por të paktën barazuam. Gjithmonë një pikë është më mirë se asgjë.

PANORAMASPORT.AL

NDIQE LIVE "PANORAMA TV"

---