Napoli nuk po kalon një periudhë shumë të mirë kohët e fundit, teksa nuk njohin fitore prej 5 ndeshjesh.

Pikërisht për shkak të kësaj forme të keqe të skuadrës, presidenti Aurelio De Laurentis, po mendon shkarkimin e Karlo Ançelotit nga posti i trajnerit.

Marrëdhënia midis të dyve nuk është më e mira e mundshme, dhe në ditët e ardhshme mund të vijë edhe shkarkimi i ish-trajnerit të Milanit.

Sipas asaj që shkruan “Tuttosport”, vendin e Ançelotit në rast shkarkimi, pritet ta marrë pikërisht një ish-trajner tjetër i Milanit. 

Bëhet fjalë për Xhenaro Gatuzon, i cili pëlqehet shumë nga presidenti napolitan, i cili është i bindur t’i besojë atij drejtimin e skuadrës.

PANORAMASPORT.AL

Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/