Këshilltari për Sigurinë Kombëtare në SHBA, John Kirby, ka thënë se nuk ka prova që e dëshmojnë se Izraeli ka shkelur ligjin ndërkombëtar, pas sulmit të së martës, ku mbetën të vdekur shtatë punonjës të ndihmave në Gaza.
Në një konferencë për media të martën, Kirby u është përgjigjur pyetjeve nëse gjuajtja me raketë ndaj njerëzve që shpërndajnë ushqim dhe vrasja e tyre është shkelje e ligjit ndërkombëtar humanitar.
“Izraelitët e kanë pranuar tashmë se ky ishte një gabim që ata bënë”, ka thënë Kirby, duke përsëritur se po kryhet një hetim për atë që ndodhi.
“Le të mos e kalojmë këtë”, ka shtuar ai.
Sipas tij pyetja supozon se sulmi izraelit kundër punonjësve të ndihmës ishte i qëllimshëm dhe se ata e dinin se çfarë po godisnin, gjë për të cilën ai ka thënë se “nuk ka asnjë provë për këtë”.
NDIQE LIVE "PANORAMA TV" © Panorama.al
