Kryeministri Edi Rama, ka ndarë në rrjetet sociale një artikull dedikuar Shqipërisë në revistën mjaft të njohur, “National Geographic”.
Përmes disa fotove të shkrepura nga artikulli, kreu i qeverisë shprehet se Shqipëria po zbulohet përmes përvojave të jashtëzakonshme të rafting në Vjosë, Beratin pasuri e UNESCO-s dhe kanioneve madhështore të Osumit.
“Shqipëria në artikullin e “National Geographic” zbulohet përmes përvojave të jashtëzakonshme të rafting në zemrën blu të Europës – Vjosën – për të shkuar në Beratin pasuri e UNESCO-s dhe drejt kanioneve madhështore të Osumit falë punës fantastike të “Albanian Rafting Group”, në një udhëtim me aromën e verërave nga varietetet autoktone shqiptare dhe ushqimin e shijuar pranë barinjve në peizazhet e paprekura bukolike”, shkruan Rama.
NDIQE LIVE "PANORAMA TV" © Panorama.al