Policia e Shkodrës ka raportuar se persona të paidentifikuar kanë vendosur një sasi të vogël lënde plasëse në automjetin në pronësi të 40-vjeçarit Bledar Freskina.
Sipas uniformave blu, automjeti ishte i parkuar në bulevardin “Bujar Bishanaku” dhe nga ngnarja ka vetëm dëme të pjesshme materiale.
Policia ndodhet në vendin e ngjarjes ku po punohet për të përcaktuar autorsinë e rastit, si dhe për të zbardhur rrethanat.
Automjeti që shpërtheu është në pronësi të Bledar Freskinës, pronari i një lokali në qytetin e Shkodrës.
Njoftimi i policisë:
Rreth orës 04:30, shtetas ende të paidentifikuar dyshohet se kanë hedhur një sasi të vogël lënde djegëse në automjetin e parkuar në bulevardin “Bujar Bishanaku”, në pronësi të shtetasit B. F., 40 vjeç. Nga ngjarja ka vetëm dëme të pjesshme materiale.
Shërbimet e Policisë dhe grupi hetimor kanë shkuar menjëherë në vendin e ngjarjes ku po punojnë për të përcaktuar autorsinë e rastit, si dhe për të zbardhur rrethana.
NDIQE LIVE "PANORAMA TV" © Panorama.al
