Një sherr me thika ka ndodhur mes 2 adoleshentëve në lagjen “Kongresi i Përmetit” në Shkodër.
Policia raporton se ngjarja ka ndodhur mesditën e sotme (18 shtator), ku gjatë një konflikti të çastit ndërmjet dy 16-vjeçarëve, shtetasi me iniciale Xh. P. ka dëmtuar me mjet prerës shtetasin me iniciale K. L..
Mësohet se i riu ndodhet ne spital nën kujdesin e mjekëve, dhe është jashtë rrezikut për jetën.
Ndërkohë që policia po vijon kërkimet për kapjen e autorit të plagosjes.
Njoftimi i policisë
Mesditën e sotme në lagjen “Kongresi i Përmetit” në Shkodër, në rrugë, gjatë një konflikti të çastit ndërmjet dy 16-vjeçarëve, shtetasi Xh. P. ka dëmtuar me mjet prerës shtetasin K. L., i cili ndodhet në spital, në kujdesin e mjekëve, dhe është jashtë rrezikut për jetën.
Shërbimet e Policisë vijojnë intensivisht krehjen e zonës, me qëllim kapjen e shtetasit Xh. P.
Ndërkaq, grupi hetimor po punon për sqarimin e plotë të rrethanave të rastit.
NDIQE LIVE "PANORAMA TV" © Panorama.al
