Një avion ushtarak u rrëzua pranë aeroportit Caselle në Torino të Italisë.
Lajmin e kanë bërë të ditur mediat e huaja, sipas të cilave, nga incidenti një vajzë 5-vjeçare humbi jetën, një djalë 9-vjeçar u plagos duke pësuar djegie në të gjithë trupin dhe u transferua në spitalin e fëmijëve Regina Margherita, babai dhe nëna e tyre u plagosën gjithashtu dhe u transferuan respektivisht në spitalet San Giovanni Bosco dhe Cto.
Gjithashtu mësohet se Piloti i avionit shpëtoi veten duke u hedhur me parashutë.
Avioni i aeronautikës ushtarake italiane ishte me avionët e tjerë teksa kryenin stërvitje kur MB-339 humbi lartësinë dhe u përplas në fund të pistës. Nga përplasja avioni shpërtheu duke shkaktuar vdekjen e vajzës, e cila po shikonte manovrat e avionëve.
NDIQE LIVE "PANORAMA TV" © Panorama.al