Rreth 33 mijë maturantë në të gjithë vendin iu nënshtruan këtë të mërkurë provimit të dytë të Maturës Shtetërore në Gjuhën Shqipe dhe Letërsisë. Pas testimit nxënësit në Tiranë u shprehen se provimi ishte i vështirë dhe se nuk kanë pasur mundësi komunikimi me njëri-tjetrin, pasi masat kanë qenë të rrepta.
Ndër të tjera ata treguan për Panorama Tv se një masë tjetër që ishte ndërmarrë për mbarëvajtjen e provimit, ishte fakti se iu ishin bllokuar valët e aparateve celularë për të shmangur komunikimin me jashtë dhe se provimi nuk ishte aspak i thjeshtë.
“Nuk kopjuam, ishte mesatar në zhvillim dhe iu ndërlikuar në disa pyetje. Nuk kemi pasur mundësi të komunikonim me njëri-tjetrin, masat kanë qenë të rrepta”, tha një maturante.
“U mbajt distanca, kamera ka pasur gjithandej”.
“Ishim të monitoruar nga kamerat, vëzhguesit ishin goxha të rreptë”, ishin disa nga deklaratat e nxënësve
Nxënësit u shprehen se në çdo pjesë të gjimnazit ka pasur bllokues valësh për pajisjet elektronike.
“Kishte bllokues valës në çdo zonë, dhe nuk besoj se është e mundur të kuptohej se do dilte teza edhe pse është e pritshme”, tha një tjetër maturante.
Maturantët do të zhvillojnë provimin e matematikës më 17 Qershor, ndërsa më 24 Qershor lënda me Zgjedhje.
NDIQE LIVE "PANORAMA TV" © Panorama.al