Autoritetet turke kanë arrestuar 36 persona për lidhje të dyshuara me Shtetin Islamik.
Arrestimet janë bërë në operacionet e kryera në katër provinca, ka njoftuar të dielën Ministri i Brendshëm Ali Yerlikaya, raporton Reuters.
Në një postim në platformën e mediave sociale “X”, Yerlikaya theksoi se policia kishte arrestuar të dyshuar që u zbulua se ishin aktivë brenda Shtetit Islamik, që ndihmonin në financimin dhe sigurimin e furnizimeve për grupin.
Policia ka sekuestruar gjithashtu disa armë gjahu dhe pistoleta si pjesë e operacionit, ka bërë të ditur Yerlikaya.
NDIQE LIVE "PANORAMA TV" © Panorama.al
