Po transportonin 13 emigrantë të paligjshëm, arrestohet 1 person, në kërkim dy bashkëpunëtorët! Policia plagos një shtetas egjiptian, nis hetimi për efektivin

Dec 5, 2022 | 17:45
SHPËRNDAJE

Një person është arrestuar sot nga policia e Kukësit pasi u kap duke transportuar 13 emigrantë të paligjshmë drejt Kosovës.

emigrante
Foto ilustruese

Në pranga është vendosur shtetasi K.Gj. ndërsa janë shpallur në kërkim edhe dy bashkëpunëtorët e tij, shtetasit E.M. dhe E.H.

Ata po transportonin me një furgon tip “Volksëagen” 13 emigrantë të paligjshëm, për të kaluar drejt Kosovës e më pas në vendet e Bashkimit Europian.

Gjatë aksionit, një efektiv policie ka plagosur një prej emigrantëve me origjinë egjiptiane. Nga informacionet, nuk bëhen të ditura rrethanat e plagosjes.

Në përfundim, prokuroria ka nisur procedim penal ndaj efektivit të policisë, shtetasit K.B. për veprën penale “plagosje e rëndë nga pakujdesia”.

Njoftimi i Prokurorisë së Kukësit:

“Dhënie ndihme për kalim të paligjshëm” dhe “Kundërtim të punonjësve të policisë”, Prokuroria Kukës arreston 1 shtetas, nis procedim penal për një punonjës policie

Sot, më datë 05.12.2022 Drejtoria rajonale AMP Dibër/Kukës në bashkëpunim me shërbimet policore të DVP Kukes, nën drejtimin e Prokurorisë së Rrethit Gjyqësor Kukës kanë bërë arrestimin në flagrancë të shtetasit:

K.Gj. banues në Tiranë. Arrestimi i këtij shtetasi, është bërë për V. Penale “Dhënie ndihme për kalim të paligjshëm e kryer në bashkëpunim” si dhe “Kundërtim të punonjësve të policisë”.

Gjithashtu u shpallën në kërkim shtetasit:

-E.M. lindur në Fier; dhe

-E.H lindur në Fier.

Këta shtetas në bashkëpunim me njëri-tjetrin po trasportonin drejt Kosovës 13 shtetas të huaj nga vendet e treta MENA.

Me cilësinë e provës materiale, u sekuestrua një automjet fugon Ëolksvagen i marrë me qera.

Gjatë operacionit policor për neutralizimin e autorëve të sipërpërmendur është plagosur një shtetas i huaj (klandestin) me inicialet M.H, me kombësi egjyptiane.

Lidhur sa më sipër Prokuroria e Rrethit Gjyqësor Kukës ka urdhëruar fillimin e procedimit penal në ngarkim të punonjësit të policisë së DVP Kukës K. B., i cili ka qenë pjesë e operacionit policor, për veprën “Plagosje e rëndë nga pakujdesia”, parashikuar nga neni 91 K. Penal. Po punohet për sqarimin e rrethanave të çështjes.

NDIQE LIVE "PANORAMA TV" © Panorama.al

Te lidhura