Një banesë është përfshirë nga flakët në qytetin e Vlorës, ndërsa raportohet se një 74 vjeçar ka ndërruar jetë.
Ngjarja raportohet se ka ndodhur në afërsi të sheshit “Omonia” në Vlorë.
Forcat zjarrfikëse kanë mbërritur menjëherë në vendngjarje dhe kanë nisur punën për shuarjen e flakëve, por pa mundur të shpëtojnë të moshuarin.
Vlorë/Informacion paraprak
Rreth orës 18:00, në lagjen “28 Nëntori”, dyshohet se aksidentalisht ka rënë zjarr në banesën e shtetases S. Zh., ku si pasojë e dëmtimeve të shkaktuara nga flakët, ka humbur jetën, brenda në banesë, vëllai i saj shtetasi G. R., 74 vjeç, (tetraplegjik).
Grupi hetimor po punon për përcaktimin e shkakut të rënies së zjarrit.
NDIQE LIVE "PANORAMA TV" © Panorama.al
