Kryedemokrati Lulzim Basha ka mbledhur pasditen e sotme Grupin Parlamentar të Partisë Demokratike.
Burime nga mbledhja e grupit konfirmuan për gazetën “Panorama” se nesër do të depozitohet në Kuvend projektligji për uljen e TVSH-së, nga 20 për qind në 6 për qind.
Gjatë mbledhjes mësohet se Afred Rrushaj është shprehur se “do të kërkojmë shfuqizimin e rregullit të paligjshëm për kufizimin e kohës se deputeteve sipas vullnetit të PS dhe jo sipas rregullores”.
Kujtojmë që kreu i PD-së Basha ka dalë me 7 propozime për tu ardhur në ndihmë qytetarëve, duke filluar nga heqja e taksës 240 lekë për litër karburanti, dhe uljen e TVSH-së për ushqimet nga 20 në 6 për qind.
Ndërkaq, po sot demokratët depozituan në Gjykatën Kushtetuese kërkesën për komisionin hetimor për çështjen “Becchetti”.
NDIQE LIVE "PANORAMA TV" © Panorama.al