Zlatan Ibrahimoviç ka vendosur të marrë situatën në dorë dhe punon me rinovimin e kontratës së Françesko Kamardës me Milanin.
Javët e fundit kjo ka qenë një temë shumë e nxehtë, me disa ndryshime. Në fillim nënshkrimi i tij dukej praktikisht një formalitet, ndërsa më vonë duket se pati disa vështirësi që lidheshin me kërkesën e 16-vjeçarit për një rrogë prej 2 milionë eurosh në sezon. Siç raportohet nga kolegët e “SKY”, Zlatan Ibrahimoviç ka marrë komandën e operacioneve.
Ish-sulmuesi i konsideroi të tepërta kërkesat e menaxherit Xhuzepe Rizo dhe raporti me këtë të fundit do të ishte ftohur. Pavarësisht kësaj, filtron optimizëm për suksesin e negociatave që mund të mbyllen me 1 milion euro rrogë në sezonin e parë e për ta rritur në bazë të ecurisë së Kamardës që sivjet pati mundësinë e debutimit në ekipin e parë dhe gjithmonë është shprehur i gatshëm për të vijuar karrierën e tij me kuqezinjtë.
PANORAMASPORT.AL
NDIQE LIVE "PANORAMA TV" © Panorama.al
