Vaji i ullirit ka qenë gjithmonë një mbështetje kryesore për njerëzit që fillojnë të adoptojnë zakone të shëndetshme të të ushqyerit. Megjithatë, shumica e ekstrakteve të ullirit që gjenden në treg janë të rafinuara.
Përgatitja e këtyre produkteve kryhet në temperatura të larta dhe përfshin përdorimin e tretësve organikë së bashku me produkte të tjera me origjinë sintetike që vetëm ngopin më tej yndyrnat dhe shkaktojnë rritje të kolesterolit të keq në trup.
Si ta njohim vajin autentik të ullirit?
Me të dhënat e etiketës
Është mirë të zgjidhni vaj ulliri ekstra të virgjër dhe të lexoni specifikimet në etiketë. Për shembull, shkalla e aciditetit nuk duhet të kalojë 0,5%, vlera e peroksidit nuk duhet të kalojë 20 miliekuivalente dhe vlera e absorbimit të rrezatimit ultravjollcë duhet të jetë më e vogël se 0,20.
Gjithashtu është mirë të kontrollohet që lagështia dhe substancat avulluese në procesin e prodhimit të jenë 0,15% së bashku me vlerësimin organoleptik për të ditur cilësinë e ullirit me të cilin është krijuar vaji.
Paketimi
Sa më i ri të jetë, aq më i mirë do të jetë vaji i ullirit, kështu që është mirë të zgjidhni ato që janë ambalazhuar në një periudhë më pak se 12 muaj, përveç kësaj, është e rëndësishme të zgjidhni ato që vijnë në shishe qelqi të errët, të cilat lejojne ruajtjen e aftësive antioksiduese të produktit.
Shmangni testin e frigoriferit
Sipas studiuesve, është e rreme që mund të kontrolloni nëse një vaj ulliri ekstra i virgjër është i cilësisë së mirë duke e vendosur në frigorifer dhe duke vëzhguar nëse mbetet në gjendje të lëngshme apo ngrin.
Studiuesit ritheksojnë se ky nuk është një test i bazuar në nivel shkencor.
NDIQE LIVE "PANORAMA TV" © Panorama.al
