Ukraina dhe Kroacia kanë rënë dakord për mundësinë e përdorimit të porteve kroate në Danub dhe Detin Adriatik për eksportin e grurit ukrainas.
Sipas mediave të huaja, lajmin e ka bërë të ditur Dmytro Kuleba, ministri i Jashtëm ukrainas, përmes një njoftimi, pas bisedimeve me homologun e tij kroat sot.
Në përgjigje të tërheqjes së Rusisë nga marrëveshja e grurit të Detit të Zi këtë muaj, Kroacia bëri një ofertë për të përdorur rrjetin e saj hekurudhor dhe portet përgjatë detit Adriatik si rrugë alternative për transportin e grurit ukrainas.
Kujtojmë se me tërheqjen e Rusisë nga marrëveshja e grurit në Detin e Zi, një pjesë e madhe e njerëzve në mbarë botën, kryesisht në vendet e treta, do të vuajnë një krizë urie.
NDIQE LIVE "PANORAMA TV" © Panorama.al
