Kombëtarja shqiptare luan sot në Varshavë ndeshjen e parë kualifikuese të Euro 2024. Një sfidë e vështirë ndaj Polonisë vendase, e cila ka humbur pak ditë më parë përballë Republikës Çeke me shifrat 3-1.
Pikërisht ky fakt e bën edhe më të vështirë takimin e parë nën drejtimin e Silvinjos, i cili ka vendosur që në ndeshjen e sotme të rreshtojë në fushë një formacion sulmues, me shumë emra me tipare ofensive nga minuta e parë.
Ashtu siç kishte paralajmëruar “Panorama Sport”, në rreshtim luajnë njëkohësisht Asani, Uzuni dhe Cikalleshi, të cilët do të kenë si detyrë të kërkojnë golin dhe të mbajnë të angazhuar mbrojtjen vendase.
Sa u përket zgjedhjeve të tjera, Strakosha ka fituar balotazhin me Berishën në portë, ndërsa në mesfushë Gjasula dhe Ramadani ofrojnë më shumë mbulim para mbrojtjes, me Asllanin në mbështetje të sulmit.
POLONI-SHQIPËRI 1-0
41′ Sviderski
NGJARJET KRYESORE
90’ Jepen 4 minuta shtesë.
89’ Laçi ndëshkohet me karton të verdhë pasi ndal një kundërsulm të rrezikshëm të vendasve.
88’ E pabesueshme çfarë humb Uzuni! Sulmuesi merr një pasim të artë nga Seferi, por gjuan jashtë ngjitur me shtyllën e Sheznjt.
87’ Laçi merr vendin e Gjasulës në fushë e lojës.
85’ Gjuajtja e Kaminskit ka të njëjtin fat, teksa kalon larg portës së Strakoshës.
84’ Levandovski provon dhe një herë të gjejë portën nga jashtë zonës, pa shumë sukses.
80’ Uzuni nga e djathta gjen hapësirë për të harkuar në zonë për Seferin, sulmuesi devijon në shtyllën e parë pa gjetur portën.
78’ Lineti i lë vendin në fushë Szimanskit në minutat e fundit te Polonia
76’ Cikalleshi i lë vendin Seferit në fushë, ndërsa Asani i bën vend Bajramit.
75’ Karton i verdhë për Salomon, pas faullit ndaj Uzunit.
73’ Pas zhvilklimit të goditjes nga këndi, topi shkon te Kivior i cili gjuan me kokë, por për fat nuk gjen portën kuqezi me sferën e cila përfundon jashtë.
72’ Levandovski përpiqet me një kthesë të shpejtë të gjejë golin, teksa nuk ia del të shenjëstrojë katërkëndorin e Strakoshës edhe për shkak të një devijimi.
70’ Largohet nga fusha Asani në radhët e Shqipërisë, për t’i bërë vend Mehmetit.
68’ Zalevski i lë vendin Skorash në radhët e Polonisë.
66’ Lineti merr karton të verdhë pas një faulli ndaj Asanit.
63’ Rrezik në portën e Strakoshës, pasi Levandovski ka mundësinë të shënojë, por gjen përgjigjen e Mihajt i cili largon sferën para se të kalojë vijën fatale.
61’ Asllani mundohet të gjejë edhe një herë golin me një gjuajtje nga jashtë zonës, këtë herë nuk gjen portën polake.
58’ Pas një goditje nga këndi, është Asllani i cili ka mundësinë të shënojë, por përsëri portieri i polakëve është i pakalueshëm.
57’ Uzuni nga e majta tenton portën, por Sheznji i mohon golin me një devijim vendimtar.
56’ Uzuni i zhvendosur në krahun e djathtë, tenton të harkojë në qendër, askush nuk përfiton nga topi i kthyer nga mbrojtja.
55’ Shumë më guximtare Shqipëria në pjesën e dytë sa i përket mbajtjes së topit, teksa tenton që të zhvendosë lojën pranë zonës kundërshtare.
51’ Kombinim i shpejtë i polakëve me shumë pasime, në fund është Frankovski i cili gjuan por shumë lehtë në duart e Strakoshës.
50’ Pas një goditje dënimi të Asllanit, mbrojtja vendase largon topin që po shkonte drejt Gjasulës.
49’ Shqipëria ka më shumë topin në këto minuta të parë, duke qarkulluar nga një krah në tjetrin me objektivin për të gjetur një hapësirë për golin e barazimit.
46’ Nis pjesa e dytë e ndeshjes pa zëvendësime mes dy skuadrave.
45’+1’ Mbyllet pjesa e parë me avantazhin 1-0 të Polonisë.
45’ Jepet 1 minutë shtesë.
45’ Hysaj është futbollisti i parë i ndëshkuar me kartonin e verdhë në këtë ndeshje pas faullit ndaj Zalevskit.
44’ Tjetër goditje dënimi e rrezikshme e polakëve të cilët gjejnë përsëri Sviderskin në zonë, por gjuajtja e tij me kokë është e lehtë për Strakoshën.
41’ Gjen rrjetën Polonia! Pas një goditje dënimi, një gjuajtje nga jashtë zonës e Kaminskit ndalet nga shtylla e pastaj Sviderski gjuan duke kaluar Strakoshën.
38’ Një tjetër goditje dënimi e Asanit gjen devijimin e Hysajt në të majtën, por topi largohet nga mbrojtësit vendas.
33’ Sviderski mundohet të gjejë golin me një gjuajtje ballore nga jashtë zonës, por sfera shkon lehtësisht në duart e Strakoshës.
29’ Asllani gabon me pasimin e topit mbrapa dhe ia dhuron Levandovskit, por ndërhyrja e Mihajt është e shpejtë dhe ai fiton faull ndaj sulmuesit.
27’ Ekzekutohen dy goditja standarde radhazi, por mbrojtja kuqezi është vendosur mirë dhe nuk lejon askënd të gjuajë drejt portës.
26’ Frankovski nga e djathta tenton të gjejë hapësira në zonë pasi merr fundoren, sfera devijohet jashtë
22’ Cikalleshi lëshon një predhë drejt portës polake, por Sheznji i mohon golin me grushtimin e tij.
20’ Shqipëria provon të rrezikojë me një goditje dënimi të harkuar në zonë nga Asani, por topi devijohet mbi traversë nga një mbrojtës.
18’ Kuqezinjtë i kanë lëshuar thuajse plotësisht kontrollin e topit polakëve, por nuk i lejojnë as hapësira për të rrezikuar para portës së Strakoshës.
14’ Shkëndija e parë në portën kuqezi, Zalevski tenton me një gjuajtje të fortë nga distanca por gjen përgjigjen në dy kohë të gardianit kuqezi.
9’ Levandvoski dhe Zielinski kombinojnë të majtë me këtë të fundit i cili nis një top në shtyllën e dytë për Zalevskin, por ai nuk arrin të devijojë sferën.
7’ Cikalleshi merr mirë topin në krahun e majtë dhe nis një pasim ne qendër, por askush nuk ia del të gjuajë në portë dhe më pas Asanin dal me faull Frankovskin i cili po niste një kundërsulm.
4’ Kaminski mundohet të nisë përsëri topin në qendër për Levandovskin por ky i fundit nuk kontrollon dhe sfera del jashtë.
2’ Menjëherë një top i gjatë në thellësi për Levandovskin, i cili devijon me kokë, por nuk ia del të çojë sferën drejt portës me Strakoshës i cili kontrollon i qetë.
1’ Nis dueli në Varshavë.
FORMACIONET ZYRTARE
POLONIA: Sheznji, Frankovski, Bednarek, Salamon, Kivior, Kaminski, Lineti, Zielinski, Zalevski, Sviderski, Levandovski.
Trajner: Fernando Santos
SHQIPËRIA: Strakosha, Balliu, Hysaj, Mihaj, Kumbulla, Gjasula, Ramadani, Asllani, Asani, Uzuni, Cikalleshi.
Trajner: Silvinjo
PANORAMASPORT.AL
NDIQE LIVE "PANORAMA TV" © Panorama.al
