Ka ndërruar jetë në moshën 56-vjeçare ish-Presidenti i Republikës, Bujar Nishani. Mësohet se ai është ndarë nga jeta ditën e sotme në një spital në Gjermani, ku ishte duke u kuruar.
Kujtojmë se Nishani u dërgua për kurim në Gjermani, pasi vuante nga pneumonia bilaterale me insuficience respiratore, si pasojë e komplikacioneve të shkaktuara nga Covid-19.
Burimet thanë për Panorama se Nishani po mbahej në jetë përmes aparaturave, por nuk ka mundur dot t’ia dalë.
Situata shëndetësore e ish-kreut të shtetit u rëndua pas infektimit të tij me koronavirus disa muaj më parë.
Bujar Nishani ka lindur më 29 shtator 1966 dhe mandatin presidencial, ai e mori me fillim në 24 korrik 2012 dhe e përmbylli më 24 korrik 2017.
NDIQE LIVE "PANORAMA TV" © Panorama.al
