Të shtëna me armë zjarri janë raportuar mbrëmjen e kësaj të marte (2 prill) në Velipojë, ku raportohet se një person ka mbetur i plagosur.
Raportohet se i plagosur ka mbetur shtetasi Emiljano Paloka, i cili është transportuar në spitalin e Shkodrës dhe i është nënshtruar një operacioni.
Paraprakisht raportohet se ngjarja ka ndodhur pas nje konflikti mes dy komshinjve.
Ende nuk dihen rrethanat si ka ndodhur ngjarja, ndërkohë forcat e policisë kanë shkuar në vendin e ngjarjes.
Shkodër/Informacion paraprak
Rreth orës 21:45, në malin e Kolajve Velipojë, në rrethana ende të paqarta është plagosur me armë zjarri shtetasi E. P., 27 vjeç, banues në fshatin Pulaj-Plazhë, i cili është transportuar për ndihmë mjekësore dhe ndodhet jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe sëbashku me dy grupe të Forcës Kombëtare të Sigurisë Njësia Shkodër po vijojnë krehjen e zonës.
Grupi hetimor në drejtimin e Prokurorisë, vijon punën në vendngjarje për sqarimin e rrethanave të ngjarjes dhe identifikimin e autoreve.
NDIQE LIVE "PANORAMA TV" © Panorama.al
