Masimo Morati ka përjetuar nga afër shumë derbi të Milanos, si në vitet kur babai i tij ishte president i klubit të Interit, ashtu edhe kur vetë ishte drejtuesi më i lartë i tij dhe arriti suksese të jashtëzakonshme me zikaltrit. Por paraqitja e Interit në fitoren 5-1 ndaj Milanit e ka mahnitur ish-presidentin i cili e ka shprehur hapur në një intervistë për mediat italiane.
“Ky është padyshim një nga derbit më të bukur që kam parë ndonjëherë, pa asnjë dyshim. Ishte një gëzim për të gjithë tifozët, shihej nga mënyra se si vallëzonin lojtarët nën shi në fundin e ndeshjes. Jo se nuk pritej si fitore, por fakti që ka mbërritur në mënyrë kaq të dukshme, të jep shumë kënaqësi
E them këtë sepse skuadra është me të vërtetë shumë e fortë, Interi më ka dhënë përshtypjen që mund të kontrollonte ndeshjen. Nuk e kisha parë Milanin me Romën dhe nga TV kuptohen gjërat deri në një pikë të caktuar. Por më dukej se kishim të gjithë armët e duhura për të bërë një ndeshje të bukur dhe ashtu ndodhi.
Objektivat e Interit? Për bestytni nuk po them asgjë, por më shumë se vitet e tjera, kjo skuadër i ka rrugët e hapura për çdo gjë”, tha ish-presidenti i Interit i cili mbetet një tifoz i flaktë i zikaltërve.
PANORAMASPORT.AL
NDIQE LIVE "PANORAMA TV" © Panorama.al
