Këtë pasdite ka mbërritur në Shqipëri kryeministri italian Giuseppe Conte, duke nisur një vizitë zyrtare në vendin tonë, në pran të diskutimeve për çeljen e negociatave me BE.
Në një konferencë të përbashkët me kryeministrin Edi Rama, ky i fundit u shpreh se vizita e kryeministrit sot është edhe në kuadrin e një jave shumë të rëndësishme për BE-në dhe për Shqipërinë në vigjilje të një takimi të KiE-së ku ndër të tjera do të diskutohet edhe vendimi për negociatat.
“Ia përcolla edhe kryeministrit se përtej faktit që Shqipëria dhe Maqedonia i kanë kryer detyrat e tyre të shtëpisë dhe e meritojnë çeljen e negociatave pa kushte, u shpreh Rama.
“Pa diskutim që vizita e kryeministrit sot është edhe në kuadrin e një jave shumë të rëndësishme për BE-në dhe për Shqipërinë në vigjilje të një takimi të KiE-së ku ndër të tjera do të diskutohet edhe vendimi për negociatat.
Dhe në këtë aspektet dua ta falënderoj kryeministrin dhe qeverinë italiane që në koherencë të plotë me të gjithë vijën e politikës së jashtme italiane dhe shprehje të vullnetit të mirë për asnjë moment nuk është lëkundur për mbështetjen e Shqipërisë dhe Maqedonisë në perspektivën e integrimit.
Unë besoj, ia përcolla edhe kryeministrit se përtej faktit që Shqipëria dhe Maqedonia i kanë kryer detyrat e tyre të shtëpisë dhe e meritojnë çeljen e negociatave pa kushte është me rëndësi strategjike që përfundimi i këtij procesi të shikohet jo vetëm me sytë e interesave të vetme kombëtare por edhe të përbashkët. Procesi i reformës në drejtësi dhe integrimit përbën një shtyllë të fortë mbështetëse për rritjen e bashkëpunimit ekonomik”, tha Rama.
