Kreu i Grupit të opozitës, Gazment Bardhi ka ironizuar Kongresin e jashtëzakonshëm të Partisë Socialiste, që mbahet ditën e sotme 8 dhjetor në Pallatin e Kongreseve.
Në një reagim në “X”, Bardhi ka ndarë një foto të 12 ish-kryebashkiakëve dhe ish-ministrave që janë dënuar nga Drejtësia ise janë në hetim nga SPAK.
“Zbulohet paneli i 7 i Kongresit të PS me temë diskutimi “Eksperienca më e mirë në luftën kundër korrupsionit në Qeverinë e Edi Ramës”. Për arsye “objektive” diskutimet do të zhvillohen online!”, shkuan Bardhi.
Pjesë e panelit të 7-të, sipas Bardhit janë: ish-zëvendës kryeministri Arben Ahmetaj, ish-ministri i brendshëm Sajmir Tahiri, ish-ministri i shëndetësisë Ilir Beqaj, ish-ministri i mjedisit Lefter Koka, ish-kryebashkiaku i Durrësit Vangjush Dako, deputeti i PS Alqi Bllako, ish-kryebashkiaku i Kukësit Safet gjici, ish-kryebashkiaku i Bulqizës Lefter Alla, ish-kryebashkiaku i Fushë-Arrëzit Fran Tuci, ish-kryebashkiaku i Lushnjës Fatos Tushe, kryebashkiaku i Rrogozhinës Edison Memolla dhe kryebashkiaku i Kuçovës Kreshnik Hajdari.
NDIQE LIVE "PANORAMA TV" © Panorama.al
