Aktorja e njohur Mariana Kondi është përlotur në mes të intervistës, teksa rrëfeu disa të pathëna nga jeta e saj personale.
E ftuar në “S’e Luan Topi”, Mariana tregoi sa shumë ia ndjen mungesën e mamasë së saj dhe se do të dëshironte shumë ta kishte pranë për t’a përqafuar.
“Ma mbushte atë shpirtin plot si mua edhe vëllait. Mami, sa e bukur është kjo fjalë. Është ajo që të do vetëm të mirën, Kam shumë pishmane. Ky është një mesazh që ta dëgjojnë të tjerat, sa është gjallë të dalin me to e t’i takojnë. Kanë mirësinë butësinë, lum ato që i kanë. Unë vetëm ta kisha pak ta përqafoja. Por ja që nuk është, por është pranë meje”,-tregoi aktorja.
Më tej Kondi zbuloi se nuk i shkon as në varreza, pasi e ka shumë të vështirë të përballojë mendimet që i vijnë teksa ndodhet aty.
“Bëj një gabim që nuk shkoj në varreza. Se nuk e përballoj dot edhe mendoj se çfarë është aty poshtë. Më duket shumë e vështirë”,– tregoi Mariana.
