Gjenerali Sergei Surovikin, ish-komandant i përpjekjeve luftarake të Moskës në Ukrainë, është shkarkuar si kreu i forcave ajrore të vendit, ka thënë një gazetar i njohur rus.
Sipas mediave të huaja, thashethemet për këtë informacion filluan të qarkullonin një javë më parë dhe u raportuan nga Politico.
Alexei Venediktov, ish-kreu i radiostacionit tani të zhdukur ‘Ekho Moskvy’, tha në kanalin e tij në Telegram se Gjenerali Surovikin ishte hequr nga detyra me dekret zyrtar, pa dhënë detaje të mëtejshme.
Nuk ka asnjë konfirmim zyrtar të raportit, por ai është cituar nga disa media të tjera ruse në mediat sociale.
Gjenerali nuk është parë në publik që nga një rebelim jetëshkurtër ndaj strukturave shtetërore ruse në qershor nga grupi mercenar Ëagner dhe udhëheqësi i tij Yevgeny Prigozhin.
Që nga rebelimi, raportet e lajmeve ruse dhe të huaja kanë thënë se gjenerali Surovikin po hetohej për bashkëpunim të mundshëm në revoltë.
Ai mori nofkën “Gjenerali Armagedon” nga shtypi rus për taktikat e tij agresive në konfliktin sirian.
NDIQE LIVE "PANORAMA TV" © Panorama.al
