I burgosuri politik më i famshëm i Rusisë, kryeopozitari Alexei Navalny, kaloi ditëlindjen i izoluar në qelinë e burgut ku ndodhet.
Sipas mediave të huaja, disa nga mbështetësit e tij kanë mbajtur fjalime dhe kanë vendosur postera, duke rrezikuar kështu edhe dënimin e tyre me burg.
Policia arrestoi shpejt të paktën 20 prej tyre, sipas grupit të të drejtave të njeriut OVD-Info, ku një burrë nga Moska arriti të hidhte fletëpalosje përpara se ta largonin.
Një grua që mbante një tullumbace të vogël të zezë për ditëlindje, u arrestua dhe oficerët refuzuan t’i tregonin arsyen.
Shumë persona mbështetës të Navalnyt u arrestuan gjithashtu në Shën Petersburg.
Aleatët e Navalny publikuan një postim në mediat sociale në emër të tij, ku thuhej: “Progresi social dhe një e ardhme më e mirë mund të arrihet vetëm nëse një numër i caktuar njerëzish janë të gatshëm të paguajnë për të drejtën e asaj që ata besojnë”.
“Sa më shumë njerëz të tillë, aq më i vogël është çmimi që duhet të paguajë secili”, thanë ata më tej.
“Do të vijë sigurisht një ditë kur do të jetë rutinë dhe aspak e rrezikshme të thuash të vërtetën dhe të kërkosh drejtësi në Rusi”, thuhej më tej.
Një video e postuar në Telegram pretendon se tregon një burrë duke u arrestuar pasi kishte veshur një bluzë ku shkruhej: “Kujdesu për Rusinë”.
NDIQE LIVE "PANORAMA TV" © Panorama.al
