Javë pas jave kemi komentuar grupin zyrtar të Partisë Demokratike. Ndonëse të pakët në numër, demokratët kanë treguar se kanë marrëdhënie të mira me njëri-tjetrin.
Pamja që vjen nga Parlamenti, është e njëjtë. Basha është gjithnjë në krye të grupit të tij dhe të gjithë mbërrijnë së bashku në ambientet e Parlamentit.
Si një grup i unifikuar, deputetët hyjnë e dalin së bashku nga seanca plenare, duke zgjedhur të kalojnë pak kohë me kolegët e tyre në ambientet e jashtme. Këtë herë, paparaci ynë i ka fotografuar te shkallët, ku edhe kanë qenë duke hyrë në ambientet e brendshme.
Natyrisht që xhentilesa që e karakterizon nuk mund të mos binte në sy. E kemi fjalën për kryedemokratin Basha, që kur është ndeshur tek dera me koleget e tij, i ka lënë të kalojnë para, madje i ka shoqëruar edhe me dorë.
Në foto shihet Lulzim Basha që i hap rrugën Merita Bakiut, një ndër deputetët zonja që i ka qëndruar besnike, ndërkohë që pjesa kryesore e demokratëve i kthehen shpinën.